قصة وحده من البنات

بسم الله وصلى الله وبارك<<< ماتقلد الشريط فوق

المهم<< مابديتي عشان تقولين المهم

المهم

بقولكم قصتي انا واخواتي الثنتين وبنات اخوي الخمس<< قولو ماشاء الله

المهم

راح تعرفون المغزى من القصه بنهاية القصه

<< اوخص يامغزى

المهم

مرة من المرايير ويوم من الأيام
دق تلفون بيتنا << قولي والله

الا هنوده بنت اخوي فديتها وتصرخ...وقلت هاه من مات<< ماتحب تتفائل بالشر ابد

وتصرخ هي مره ثانيه قالت وشو من مات؟؟

وصار فيه تضارب بالصراخ والروعه

المهم

قلت وجع يوجع ام سعد <<< جيرانهم

وش بس يالخبله

قالت ياحظكم ياعمتي بنجيكم اليوم وبنام عندكم

والله وأصرخ صرخة سمعتها ام محمد جيرنا

من الفرحه سكرت السماعه بوجهها

ورحت ارتب غرفتي لأن صار لي يمكن شهر الا يوم مارتبتها

المهم

وجو البنات بعد المغرب والله ماتشوفون الا اكياس زبايل تطلع من غرفتي بس بلع
وحش بخلق الله

يوم جت الساعه 12 قلت للبنات يالله بنات من وين تبون العشاء

الا وعيون هيوفه طارت تناظر الزبايل قالت مااظن فيه مكان
للزباله <<<< يعني بطونا عادي فيه مكان

المهم

عاد قلت للبنات اجل خلونا نخمد

عشان نشوف لنا طلعه بكره

المهم

ونمنا صحينا على الساعه 2 الظهر

طبعا صحينا بكل نشاط وحيويه

نرتب البيت ونشيل ونحط عشان لاقلنا لأمي نبي نطلع ماتقول لا

وجت امي حطت الغداء

واقوم انا أغمز للبنات ولا وحده تمد يدها

والبنات عيونهم
عسى ماشر ياعمه

قلت لا لحد يتغدا عشان نطلع نتعشى برا اليوم

يلعن اوووم العذاب

المهم

قبل اذان المغرب قمت قلت البنات يالله تولمو بروح اشوف اخواني اذا بالبيت ولا لا

واكلم امي ونرح لكارفور نتقهوى ونتعشى

واطلع الدرج وانا اغني (حبيتك بالصيف حبيتك بالشتاء)

ولا وارتطم بأخوي

قلت ليه ماطلعت؟

اللي على راسه ريشه

قال ليه بغيتي شي؟؟؟

قلت لا سلامتك ... وأقول بنفسي ايه ابيك تطس

قال قولي لأمي بطلع وبرجع 9:30

قلت يافرحتس يالجازي ... وطير لأمي

قلت لاتعذرين تقولين مافيه روحه اخوي طلع وموب راجع الا الساعه 9 بالليل

قالت امي بسم الله انا وش قلت

بعدين قالت لا بنات اخوس امانه عندي مافيه رووحه
من هنا من هنا يالله وافقت

طبعا ماوافقت الا يوم قلتلها ماني ماخذه منك ولا ريال

<<< اجل الفلوس وصخ دنيا ياام سعود

المهم

طبعا" مافيه سياره تكفينا فاقررنا نروح مشي برجولنا << اجل بيديكم

والله وطلعنا من بيتنا قالت امي تفرقوا يابنياتي عشان الجيران مايشوفونكم يقولون وش ذا قطيع الغنم اللي طالع من بيت ابو سعود

وتونا ماطلعنا من حارتنا الا نشوف سياره جايه وتشبه سيارة اخوي والله واقفط مكاني

وهنده جنبي واقولها هنوده التفتي شوفي هذا عمس ولا لا؟
قالت لا ياسلام اخوس ولا اخوي انتي التفتي وعلميني

قلت الشرهه موب عليس على اللي يصير عمتس مره ثانيه

وشوي شوي قربت السياره الا واحد من هالشباب يقول ماشاء الله فريق كرة قدم بس وين الحارس

والله والتفت انا وهند ماخلينا لعنه بالدنيا ماقلناها

شكله بعد اليوم حرم يغازل

ونمشي شوي الا تجي سيارة ثانيه وقبل لايفتح الشباك قالت له هنوده تروح ولا تلعن مثل اللي قبلك

والله ماشفنا الا غبار السياره

عاد انا التفت لهند قلت ليه هواشتيهم ماشفتي الي وراء والله حلو

<<< تخطط لبعيد

طبعا طول ماحنا نمشي بس من حارتنا الا الشارع العام يمكن 66 سياره وقفت

المهم

يوم اقبلنا على بوابة ككارفور الا الحارس يقرب عندي ويقول والله نورت كارفور

حاميها حراميها

عاد انا ناظرتله وقلت بلاك ماشفت الشبشب اللي لابسته ولا والله ماتقول هالكلام

<< لابسه شبشب عندنا باليت من يوم انا بخامس ابتدائي
وعباتي حقة الجامعه كلها علوك ومواطي جزم البنات الله يكرمكم

المهم

تقهوينا وبعدين رحنا نصلي العشاء

يوم خلصنا صلاة

قالت مهاوي بنت اخوي الكبيره يالله بنات خلينا نروح تنعشى بس كل ثنتين يروحون مع بعض مانبي نطلب من مطعم واحد عشان لو طلبنا والله مانخلص الا بعد الفجر

ورحنا انا وهنوده لبرجر كنج والباقي توزعوا

اول ماوقفت اخذت المنيو وطلبنا يوم جيت ابمشي جاء واحد وقف جنبي

ابصم بالعشره انهم جايبينه بقلابي من الخيمه لكارفور على طول

حتى مافكوا قراطيسه

قال لو سمحت عطني الكاتلوج

<<حسيت اني بمحل ستاير

والله وارجع اخذ المنيو مره ثانيه قلت والله هالوجبه ماشفتها تو اكيد جديده ومانتبهت

وادور مالقيت شي

قالت مالي الا انتظر واشوف وشو هذا اللي طلبه<<<< موب لقافه بس اشراف

والله بدا الرجال يقرب مني وقال لو سمحتي اختي ممكن الكاتلوج اللي معك

والله وصار الكاتلوج المنيو

وسفاب 7 دقايق اللي انتظرتيهم يالجازي

ويخلص طلبي واخذه وانا ماشيه جاء واحد قال اساعدك اختي؟

قلت ليه شايفني عرجاء ولا حولا

وامشي حبتين الا يطلعلي واحد ثاني قال بالعافيه عليك والله حبيت برجر لعيونك

قلتت تلايط بس

المهم

تعشينا ورجعنا في امان الله وطبعا

بالرجعه صار مثل ماصار بالجيه<<< جملتك يالحبيب

مالكوم بالطويله

بس حبيت اعرف من شبابنا الحلوين

ليه الحركات هذي اذا شفتوا بنت سواء متزينه ولا مثل شيفتي

وهذا هو المغزى << اقول متى تعلمتي هالكلمه

وبنهايه احب اسلم على بنات اخوي كثير السلام

واقول وحشتوني برشا برشا

واهديكم اغنية اه ياقوي قلبك لطلال سلامه

والسلام خير ختام

انتضر ردودكم

[/size][/b][/center][/size][/b][/center]